أخبار مصرفن

“انتش واجري” دفاع وهجوم المشاهير عن الأغنية وفودافون تنفي تعاقدها مع مغنيها

نحن في عصر انتش واجري

بعد الشائعات حول تعاقدها مع مغني أغنية “انتش واجري”، نفت شركة “فودافون مصر” أن يكون قد حدث تعاقد بينها وبين أحمد هيثم الشهير بمايكل جاكسون الغلابة، وأن ما تم تداوله عبر مواقع التواصل تعاقدها معه وضم أغنيته لخدمات الكول تون، وأن جميع ما تم تداوله هي مجرد شائعات من مستخدمي مواقع التواصل الاجتماعي لا أكثر، كما أكدت شركة فودافون عدم تواجد هذا المحتوى كخدمة كول تون لعملائها.

فودافون تؤكد أن جميع ما تم تداوله عن كول تون “انتش واجري” لعملائها غير حقيقي

تصدر مواقع البحث ترند “انتش واجري” للأسف، وتداول عدة اخبار عنه عن دعم المشاهير لهذا المستوى السوقي والهابط ممن الإسفاف، وبمجرد أن علمت شركة فودافون بشائعة ضمها لأغنية “انتش واجري” ككول تون خاص بها، إلا وسارعت في نفي الخبر جملة وتفصيلاً.

لكن الأمر الغريب هو أن تجد لهذا المستوى من الإسفاف مدافعون بل ومقلدون.

مشاهير مصر ينقسمون حول “انتش واجري” بين داعم مقلد ومعارض

لا شك، أن الوسط الفني لطالما يبحث عن الضوء والشهرة، ولكن ليس كل الشهرة مطلوبة، ففي بعض الأحيان اختفاءك عن الإسفاف بل ونقده يعتبر بمثابة شئ عظيم تفعله، لكن الأمر الغريب أن تجد من المشاهير ممن كنت تحترمه من يرقص على أغنية تحتوي على هذا الكم من السفه وانعدام الذوق، وانقسمت الآراء حول تلك الحالة بين مؤيد ومعارض وكان من أبرزهم:

الموزع عادل حقي: النيزك من عندك يا رب

هاجم الموزع عادل حقي، أغنية “انتش واجري، وكتب على حسابه على فيس بوك ما يلي:

“اللي هايقوللي رزق وربنا لما يريد يرزق عبده والكلام الفارغ ده يمسح نفسه من عندي، كفاية إسفاف بقي، كفاية قرف، اللي طلع علينا وبوظ ذوق الناس وبقينا نسمع قرف وأصوات لا تليق انها تتسمع في المجاري، كفاية أبوس إيديكم بقي، حد يوقف المهزلة دي، رينجتون ايه اللي اتعاقدتوا معاه عليه؟ نغمة مسروقة؟؟؟؟ النيزك يارب، النيزك”.

انتش واجري

الشاعر أمير طعيمة “انتش واجري” مرآة لواقع إحنا بنحاول نجمله

انتقد أمير طعيمة الشاعر المصري اغنية “أنتش واجري”، وكتب على حسابة على فيس بوك:

“أنتش و أجري” مرآة لواقع احنا بنحاول نجمله، انعكاس لذوق متدني و جهل و حالة لا وعي بيشارك فيها معظم الناس بقصد او بدون قصد، الموضوع بقاله ١٠ سنين كده بيبدأ بإفيه و استظراف ويقلب لحقيقة على الارض و فكرة ليها رواد و مدافعين عنها و ناس بتتحول لأصحاب حقوق”.

وأضاف: “احنا في زمن – مع احترامي للجميع – الصنايعي بقى باشمهندس، واللي بيفك الخط بقى مراسل صحفي، و اي حد يطلع على التلفزيون بقى إعلامي، حتى الدكتوراة ممكن تشتريها بمبلغ زهيد من دول شرق أوروبا، أما بقى لو معندكش أي مهارة مهما كانت بساطتها ففرصة عمرك تبقى فنان”.

انتش واجري امير طعيمة عن تريند انتش واجري
انتش واجري امير طعيمة عن تريند انتش واجري

رنا سماحة: انتش واجري سقطة كبيرة لفريق واما نجوم شباب الألفينيات

إنه من المحزن بمكان، أن ترى فريق كنت تحسبه يغني أغاني جميلة وراقية، يغني اغنية سوقية إلى هذا الحد، وتعتبر سقطة لفريق “واما”، وذلك بعد مشاركتهم في تريند “انتش”، وانتقدت رنا سماحة فريق واما على هذا العمل، وقالت معاتبه الفريق الكبير:

“عندي عتاب على قدر المحبة للفريق العظيم، اللي أنا واحدة من اللي اتربوا على فنهم وأغانيهم اللي تجنن (واما)، وأتمنى يتراجعوا عن الهزاراية لو اعتبرناها هزاراية اللي نزلت امبارح”.

إضافة لذلك قالت: “للأسف الهزاراية دي فتحت وهتفتح علينا باب مستنقع كبير، وكله دلوقتي اللي قرر يوزع واللي قرر ينتج ويتعامل مع القرف ده على أنه فن، أتمنى مننساش أن الفنان قدوة وانتوا نجوم كبار وكل فرد فيكم عنده تاريخ كبير يستاهل أنه يتخاف عليه، أتمنى تقبل كلامي بصدر رحب من محبة لفنكم”.

وتابعت :”قبل ما أكون فنانة صغيرة بحارب وسط كتير من محاربين العك، أنا حقيقي حزينة ومش مصدقة اللي وصلناله وأننا خلاص بقينا في عصر الترند أياً كانت قباحته، مش هتكلم عن الاعلام اللي كله ما شاء الله جري بسرعة كعادته ورا الترند التافه المسف لان مصداقيتهم وأهميتهم أصبحت باينة للجميع”.

رنا سماحة عن تريند انتش واجري
رنا سماحة عن تريند انتش واجري

أيمن بهجت قمر لا توجد مشكلة وليست أول مرة

 

علق المؤلف أيمن بهجت قمر على منشور رنا سماحة قائلاً: “إيه المشكلة يا رنا ما فيه أغنية انتي أي كلام والسالمونيلا وكان في أبو الليف هزار على الأقل دول فرقة موسيقية وشباب بيهزر، إيه الإهانة ما هنيدي غنى اموئ وفؤاد كماننا، وطول عمر الدنيا كدا إفيهات وبتتحول لأغاني”.

أيمن بهجت قمر يدافع عن انتش واجري هي مجرد هزار
أيمن بهجت قمر يدافع عن انتش واجري هي مجرد هزار

محمد الكيلاني: متضايق جداً من الأغنية لكن مش عارف ابطل أغنيها

شارك أيضاً محمد الكيلاني نقده لهذه الأغنية قائلاً: “انا متضايق جدا من الاغنيه الاصليه علي فكره بس صدقيني مش عارف ابطل اغنيها دي اول حاجه تاني حاجه ال اي كلام ده لما واما غنوه ب هرموني شكله كده في غناهم و مزيكتهم الناس فهمت ان حتي الاي كلام ممكن بيقي له شكل شييك مفيش مشكله انك تقول اي كلام بس الفنان حتي لما يقول اي كلام حيقولوا بالشكل ده او في شكل صح حتي لل اي كلام و في الاخر هي موجوده بشكل sarcastic يعني اكيد محدش شاف الفيديو تخبل انهم بيعملوا Coverمعرفش دي وجهه نظري بصراحه”.

محمد جمعة تريند “انتش واجري” هينتهي اسرع مما بدأ

كان من المدافعين عن تريند “انتش واجري” محمد جمعة، والذي كتب على حسابه على فيس بوك أن الأمر ليس بالجديد، ولطالمة ظهرت اشياء جديدة وتبدأ وتنتهي سريعاً وعبر قائلا: ” طول عمري في هذا المجال بشوف حجات كتيره قوي بتحصل وناس بتاخد موقف مع او ضد وبرغم ان ده تريند هايتنهي اسرع من ما بدأ الا اني شايف زاويه تانيه ف الموضوع اسمها ربنا (ولأرزقن  من لا حيلة له حتي يتعجب صاحب الحيله) الله اعلم حصل معاه كل ده ليه ؟ حد يعرف هو ليه عند ربنا ايه ؟”.

عمرو محمود ياسين يدافع عن فريق واما

دافع الفنان عمرو محمود ياسين عن فرقة واما في اغنيتهم تريند “انتش واجري قائلاً عبر حسابه على فيس بوك:

” ايه المشكلة  لما يطلع حد زي بتاع انتش واجري ويعمل حاجه غريبة وتبان انها Fun وتاخد يومينها و باي باي؟ ايه المشكلة؟ طالما علقت مع الناس.. ليه لازم ناخد الحكايه ونعملها ايدين ورجلين ونقعد نقول يا خساره الفن وعملنا للي مش عارف ايه سعر وكل الكلام ده؟ ياما تريندات طلعت والناس اتكلمت عليها شوية وهزرت  و راحت لحال سبيلها عادي”.

 

سوسن بدر على تيك توك ترقص على اغنية انتش واجري

ظهرت الفنانة سوسن بدر، في مقطع لها على تيك توك، وهي ترقص على اغنية “انتش واجري، وذلك من كواليس أحد أعمالها القادمة.

Reem Abdelhady

شكراً لتشريفكم صفحتي معاكم ريم عبد الهادي مديرة موقع مضمون دوت كوم و محررة ومدونة في عدة مواقع أيضاً ... بدأت عملي كباحثة في كتابة الأبحاث العلمية ومن ثم انتقلت إلى المساهمة في إعداد الرسائل العلمية ثم انتقلت للنشاط الإلكتروني ... أتمني أن يحوز ما اكتب إعجابكم وأتقبل نقدكم شكراً ... ريم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى