“آه من واحدة إتنين بالليل” انتشرت اغنية حزينة للفنان مصطفي حجاج بهذه الكلمات على مواقع التواصل الاجتماعي, واصبحت الاغنية تتردد بين الشباب. الاغنية بعنوان “جلد الذات” من كلمات احمد شكري وألحان مصطفى شكري وتوزيع أحمد أمين.
كلمات اغنية جلد الذات مصطفي حجاج
آه من جَلد الذات
طول الليل بالذات
لما دماغك تبدأ تفتح
وياك الحكايات
لما تبل دموعك
من البُكا فَرشة نومك
وتفكر في حاجات تعباك
ما بقاش ليها علاجات
آه من واحدة إتنين بالليل
آه من تفكير نص الليل
آه من كل حكاية إتقفلت
بس اتسابلها ديل
آه من ذكرى بتنئح
آه من جرح بيفتح
آه من ناس سايبانا ولسه
فيهم برضو بنسرح
ندمك على قرارات
غلطك في اختيارات
سهران عمّال بتلوم نفسك
على كل الغلطات
روحك بتروح منك
متحسر على إنك
ضيّعت أجمل وقت فعمرك
على ناس كانوا فترات
آه من واحدة إتنين بالليل
آه من تفكير نص الليل
آه من كل حكاية إتقفلت
بس اتسابلها ديل
آه من ذكرى بتنئح
آه من جرح بيفتح
آه من ناس سايبانا ولسه
فيهم برضو بنسرح
مليون ذكرى وألف مكان
بيرجعني سنين لزمان
بيرجعني اشحت إحساس
مبقاش في الإمكان
مليون وجعه تهد الحيل
وزن همومي ده يملي النيل
قلبي معادش قادر عالشيل
بياخدني وبيميل
اغنية جلد الذات مصطفي حجاج – 2 بالليل
