“بيقولوا لي إني شبهك إني زيك حتة منك” حققت اغنية بنت ابويا للفنانة هنا يسري نجاح غير متوقع، والتي طرحت في الحلقة الأخيرة من مسلسل موضوع عائلي 2، حيث تصدرت ترند مواقع التواصل الاجتماعي واليوتيوب. الاغنية غناء هنا يسري وكلمات منه عدلي القيعي وألحان ايهاب عبد الواحد.
“موضوع عائلي 2” فكرة وإخراج أحمد الجندي وسيناريو وحوار محمد عز الدين وكريم يوسف، وبطولة ماجد الكدواني، ونور، ورنا رئيس، ومحمد شاهين، وسما إبراهيم، وطه الدسوقى، ومحمد رضوان، ومحمد القس، وياسمين ممدوح وافي.
كلمات اغنية بنت ابويا هنا يسري
صوت رنة المفتاح في الباب ساعة اما توصل
ومكالمة نص اليوم لما من غير داعي تسأل
والزعيق من ورا قلبك لما اصالحك وتتقل
وحضنك اللي بنسى قبله ليه كنت بزعل
رأيك اللي كله حكمة صوتك حفظته
كل موقف يوم زعلني وبعدين فهمته
انت اللي انا رافعة راسي من ورا اسمه وسيرته
بنت ابويا وآه يا بختي بعمري وياك عشته
بيقولوا لي إني شبهك
إني زيك حتة منك روحي روحك
واخدة قلبك في المشاعر والكلام
بيقولوا لي اللي شافوكي
كتير لاقوكي بنت ابوكي
ده في سلامه واهتمامه
يا بختي قالوا بنت ابويا يا سلام
آه آه آه
لما تقلق وانا اخبي لا تزعل عشاني
واما في طريقنا نسافر ونشغل أغاني
واما تشوف مني دمعه وتعمل مش شايفها
بتخاف تكسفني وتحسسني انك كاشفها
انت سندي انت ضهري وصاحب عمري كله
لما بشكي لما بحكي من غيرك أروح أقوله
ياللي مهما كبر سني هفضل أعيش في ضله
يا حبيبي يا رب يخلي صوتك العمر كله
بيقولوا لي إني شبهك
إني زيك حتة منك روحي روحك
واخدة قلبك في المشاعر والكلام
بيقولوا لي اللي شافوكي
كتير لاقوكي بنت ابوكي
ده في سلامه واهتمامه
يا بختي قالوا بنت ابويا يا سلام
آه آه آه
اغنية بنت ابويا هنا يسري
