“ما كفاية بواخة بقى يا دنيا وما تزهقنيش” طرح الفنان محمد امام اغنية تتر نهاية مسلسل كوبرا علي قناتة على موقع يوتيوب باسم “الجايزة الكبرى”, الاغنية بصوت الفنان بهاء سلطان، ومن كلمات وألحان محمود طلعت.
مسلسل “كوبرا”، من بطولة محمد عادل إمام ومجدى كامل ومحمود عبد المغنى وهشام إسماعيل ومحمد ثروت، تأليف أحمد أبو زيد، وإخراج أحمد شفيق.
كلمات اغنية الجايزة الكبرى بهاء سلطان
يوووه
ما كفاية بواخة بقى يا دنيا
وما تزهقنيش
لايميها خلاص ده انا مش شايف
وبقيت شيش بيش
عمالة تشيلي وتهبدي فيا
وانا بعافر
بس اعتقيني لوجه الله
وكفاية تلطيش
انا اتبهدلت
أطلع من حفرة ألاقيني
نزلت في 30 فحت
واخداني يا دنيا شوية لفوق
وشوية لتحت
واقع في الخية لشوشتي
ومش عارف افلفص
وبيتهيألي دي خلصانة
اتريني اتسوّحت
ما تخفي يا دنيا شوية
امال بقى على كوبرا
ده في قلة بختي
انا واخد الجايزة الكبرى
دوختيني وعمال الف
انا حوالين نفسي
ابقى في اسيوط وفجأة ألاقيني
في دوران شبرا
كفاية بقى
وغلبت زقت تعبت طهقت
انا من التنطيط
اجي افادي انا شجرة
الاقيني لبست يا ناس الحيط
الاقيها منين انا ولاّ منين
بس يا عالم
ده انا حتى في عز الشمس
بتطلعلي الوطاويط
غارز انا جامد
هو انا مكتوبلي على وشي
ان انا منحوس
مش عارف اذا كنت انا خايب الرّجا
ولاّ انا متعوس
مش عايزة الدنيا تزهزه ليا وتضحكلي
بدخل متفائل وبصدري وبطلع مكبوس
كعبلتيني وشنكلتيني
كده عالسخان
واخداني من بلوة على مصيبة
ليه ده انا غلبان
فاكريني انا لقمة طرية
ومش هاخد غلوة
بس انا بقول هيشوفوا مني
اشكال والوان
اغنية الجايزة الكبرى بهاء سلطان – تتر مسلسل كوبرا 2024
