“نصبوا لك الفخ اوعى تأنتخ” طرح الفنان محمد امام اغنية تتر مسلسل كوبرا علي قناتة على موقع يوتيوب باسم “ابن اللعيبة”, الاغنية بصوت الفنان بهاء سلطان، ومن كلمات وألحان محمود طلعت.
مسلسل “كوبرا”، من بطولة محمد عادل إمام ومجدى كامل ومحمود عبد المغنى وهشام إسماعيل ومحمد ثروت، تأليف أحمد أبو زيد، وإخراج أحمد شفيق.
كلمات اغنية ابن اللعيبة بهاء سلطان – تتر مسلسل كوبرا 2024
نصبوا لك الفخ اوعى تأنتخ
خد بالك من الكومبينة
وخليك كدة قاري التركيبة
بس ده على مين دول حافظين مش فاهمين
ده انت واخدهم لكامين يا ابن اللعيبة
ده انت ملففهم ومدوخهم وموريهم الويل
ماسمعناش يوم عن قرش وبيخاف من الدرافيل
اصل انت عملت معاهم الصح وقليت منهم
وكإن الدرجة الثانية بتلاعب البرازيل
واقع كدة بين شلة ناس سو وناس ضلالية
في اللي بيحفرلك حفرة وفي اللي بينصب خية
بس اللي امه بتدعيله يمشي على المية
انت مستفهم قدامك ومبستفهم
هاري بدنهم ومخوفهم ومخليهم مدروخين
جبت من ابو اخر وضبتلهم مغرز فاخر
واللي يشوفك يتاخر دول مرعوبين
من خن لخن وزي الجن وفرقع لوز
عليت لهم الضغط وراحوا يعلقوا جلوكوز
كانوا جايين لك مستحلفين ليجيبو داغك
طلعتهم انت المسرح واديتهم مهموز
واقع كدة بين شلة ناس سو وناس ضلالية
في اللي بيحفرلك حفرة و في اللي بينصب خية
بس اللي امه بتدعيله يمشي على المية
اغنية ابن اللعيبة بهاء سلطان – تتر مسلسل كوبرا 2024
