“الدنيا دي سوق عايزة اللى يسوق” اغنية تتر مسلسل ب100 راجل بطولة الفنانة سمية الخشاب. الاغنية غناء نور علي وكلمات محمد النجار وألحان محمد عبدالمنعم وتوزيع احمد عادل.
مسلسل “بـ100 راجل” يعد جزءًا من التصوير الدرامي الشعبي، ويتناول أحداثه الحياة في الحارة المصرية. من إنتاج ممدوح شاهين وإخراج إبرام نشأت، وتأليف محمود حمدان. يشارك في بطولته نخبة من النجوم من بينهم نانسي صلاح، محمد رضوان، محمود عبدالمغني، محمد عبدالعظيم، هالة فاخر، إبراهيم السمان، ومحمد القس.
كلمات اغنية الدنيا دي سوق نور علي – تتر مسلسل ب100 راجل
الدنيا دى سوق
عايزة اللى يسوق
هتعيش غلبان هتتاكل
لو عشت بطيبة
هتدفع فى ضريبة
وتسدد فيها و بالأجل
لا عدل ولا اصول
بنشيل فى حمول
مايشيلهاش حتى 100 راجل
وخدانا الدنيا على خوانا
فرحانة بجرحنا شمتانة
نتشال نتحط ونتكفى
والكفة معايا مش ربحانة
الدنيا علينا بتتشطر
ونقول ماكفاية تجيب اكتر
عمال تسقينا فى احزانها
وعلينا الفرحة بتستكتر
يادنيا البجحين
هما اللى فيكى عايشين
يا دنيا البجحين
والطيب فيكي
واخد ع العين
الدنيا صحيح
زى المراجيح
هدت حيلنا وبمترجحنا
تعبتنا خلاص
ريحنا الناس
والناس مش عايزه تريحنا
يادنيا عيب
بطلى الاعيب
ده الكل ارتاح اشمعنا احنا
وخدانا الدنيا على خوانا
فرحانه بجرحنا شمتانه
نتشال نتحط ونتكفا
والكفه معانا مش ربحانة
الدنيا علينا بتتشطر
وان قولنا كفاية تجيب اكتر
عمال تسقينا فى احزانها
وعلينا الفرحة بتستكتر
يادنيا البجحين
هما اللى فيكى عايشين
يادنيا البجحين
والطيب فيكى
واخد ع العين
الدنيا دى سوق
عايزة اللى يسوق
هتعيش غلبان هتتاكل
لو عشت بطيبة
هتدفع فى ضريبة
وتسدد فيها و بالأجل
لا عدل ولا اصول
بنشيل فى حمول
مايشيلهاش حتى 100 راجل
اغنية الدنيا دي سوق نور علي – تتر مسلسل ب100 راجل
