“خاف م اللي منك حتى لو على اسمه متسمي” يقدم المطرب محمد شاهين، تتر النهاية لمسلسل بيت الرفاعي، الاغنية غناء محمد شاهين، الحان حسين زكريا، كلمات عمرو قطب، توزيع زيزو فاروق.
يقدم مسلسل بيت الرفاعي قصة مشوقة تحكي عن حياة عائلة “الرفاعي” وتجاربها وتحدياتها، بطولة نخبة من ألمع نجوم الدراما المصرية، أمير كرارة، وأحمد رزق، ومحمد لطفي، وعايدة رياض، وسيد رجب، وتامر نبيل، ورحاب الجمل، وإيناس كامل، وصفاء الطوخى، وميرنا جميل، وملك قورة، وأحمد فؤاد سليم، وماجدة منير، وعدد آخر من الفنانين، ومن تأليف بيتر ميمي وهند عبدالله وعمرو أبوزيد وإخراج أحمد نادر جلال .
كلمات اغنية خاف م اللي منك محمد شاهين
على ضهرك إتعكز
وبضلك إتدفى
لو حتى على وشك
هتقع وتتكفى
ما تفرحشي باللمه
والهيصه والزفه
بحر القلوب غدّار
ويهد ١٠٠ دفه
اللي النهارده معاك
بكره هايبقى عليك
ويشوف بعينه أذاك
يشمت ويفرح فيك
واللي بروحك تفديه
يفرّط عادي فيك
إتغدى بالأيام
قبل اما تتعشى بيك
خاف م اللي منك
حتى لو على اسمه متسمي
احنا في زمن ما بقاش
في حد على حد بيسمي
والكل عالدنيا اتسرع
وبطمعه متغمي
لا تقولي اخويا ولا ابن ابويا
ولا حتى من دمي
لما النفوس يملاها سوس
هتشوف عجب ياما
الحب يتحول لكره وعداوه هدامه
واقرب ما ليك حنيته
تقلب على غشامه
ويغرقك في بحور أذى
ويرميك في دوامه
وش القفص بيغُر
بس الباطن فسدان
ما تاخدش بالظاهر
ولا تدي حد أمان
في الناس بلاش تتخم
وتقول فلان غلبان
غير لما يوم تعاديه
ووشه الحقيقي يبان
هتشوف ساعتها حاجات
ترعب تخض بجد
وجحود ما بعده جحود
وقساوه مش على حد
في ناس لا فاكره جميل
ولا صاينه عشره وود
هاين عليها أذاك
ومُناها لو تتهد
خاف م اللي منك
حتى لو على اسمه متسمي
احنا في زمن ما بقاش
في حد على حد بيسمي
والكل عالدنيا اتسرع
وبطمعه متغمي
لا تقولي اخويا ولا ابن ابويا
ولا حتى من دمي
لما النفوس يملاها سوس
هتشوف عجب ياما
الحب يتحول لكره وعداوه هدامه
واقرب ما ليك حنيته
تقلب على غشامه
ويغرقك في بحور أذى
ويرميك في دوامه
اغنية خاف م اللي منك محمد شاهين – تتر مسلسل بيت الرفاعي 2024
