“عود ايدك تمسح خدك ماتتعشمش في حد يطبطب” يُشارك الفنان الشعبي أحمد شيبة في مسلسل “حق عرب” للفنان أحمد العوضي غنائيًا لتتر المسلسل، الذي حقق نجاحًا كبيرًا بعد عرض أولى حلقاته. الاغنية من ضمن الاطار الشعبي الغنائي الذي يستحسنه كثير من الجمهور, وانتشرت الاغنية انتشار ملحوظ فور عرض المسلسل.
مسلسل “حق عرب” بطولة احمد العوضي يندرج ضمن إطار شعبي، ويشارك في بطولته كل من دينا فؤاد، كارولين عزمي، وفاء عامر، وليد فواز، رياض الخولي، ويأتي من تأليف محمود حمدان وإخراج إسماعيل فاروق.
كلمات اغنية ابن ابوه أحمد شيبه تتر مسلسل حق عرب
الحر مهما تعب في دنيته سداد
تلاقيه مابين الرجال بكلمته سداد
ولا عمره يوم افترى وكلامه سيف له حد
وفي ساعة الجد لو كان وسط الحيتان سداد
اللي قلبه زي قلبك يبقى مجدع زي أبوه
واللي عينه مليانه زيك يبقى عاش على حس أبوه
واللي رأيه زي رأيك لو جيوش ماهيغلبوه
واللي عاشر دي الغلابه يبقى واد من ضهر أبوه
دمه حر وياما قابل ع الموت ولا هزوش خالص
مجاش في يوم خد حقه سكوت مايعرفوش خالص
عارف طريقه وسكته عمر البارود مايسكته
راجل ولو قال كلمته خلص الكلام خالص
عود ايدك تمسح خدك ماتتعشمش في حد يطبطب
حط حجر صوان على قلبك سوق الحب خلاص بيشطب
عقلك خلك اوعى تآمن جايه الضربة منين مش ضامن
وياك قاعدين واكلين شاربين ومحدش فيهم يتآمن
بص على شمالك ويمينك اوعى في مره تبص وراك
خد بالك ناس مش عايزينك وتشوفك تتمنى رضاك
بس اوعى تنسى وتسند ضهرك على حيط مايل ولا تتحايل
وحاسب م اللي قاعدز بيسايرك وجوه في قلبه الغل تقايل
خليك صح وخليك واعي هيقابلك تعابين وأفاعي
خليك سندال هتشوف تعبان لازم انت تكون برضه الفايز
عود ايدك تمسح خدك ماتتعشمش في حد يطبطب
حط حجر سوان على قلبك سوق الحب خلاص بيشطب
عقلك خلك اوعى تآمن جايه الضربة منين مش ضامن
وياك قاعدين واكلين شاربين ومحدش فيهم يتآمن
بص على شمالك ويمينك اوعى في مره تبص وراك
خد بالك ناس مش عايزينك وتشوفك تتمنى رضاك
اغنية ابن ابوه أحمد شيبه تتر مسلسل حق عرب – عود ايدك تمسح خدك
