“معقول أكون موحشتكيش من يوم بعادنا مش بعيش” تم طرح أحدث أعمال الفنان تامر حسني، وهي كليب أغنية “موحشتكيش”، والتي تأتي ضمن ألبومه الجديد بعنوان “هرمون السعادة”. الكليب يشارك في بطولته الفنانة ثراء جبيل، وتم نشره عبر قناته الرسمية على موقع “يوتيوب”.
أغنية “موحشتكيش” تعتبر أحدث إضافة لألبوم تامر حسني الجديد، من كلمات الشاعر الغنائي أمير طعيمة والملحن والموزع الموسيقي أحمد إبراهيم.
كلمات اغنية موحشتكيش تامر حسني 2024
شكل المكان زي ما كان
متغيرتش حاجات كتير
شايف بعيني ذكريات
من قلبي حبيتها بضمير
أجمل سنين أنا عيشتها كانت هنا
كل اللي ناقص في المكان إنتي وأنا
وتفاصيل كتير مش ممكن
أحسها من غيرك
معقول أكون موحشتكيش
من يوم بعادنا مش بعيش
رغم الفُراق مفارقتنيش
عندك خلاص واقفه الحياه
من بعد حضنك حضني مات
وكلامي يشبه للسكات
فاضلي منك ذكريات ذكريات آه
واللي فاضلي مني آه آه
بيلف صوتك في المكان
لسه صورنا على الرفوف
وكلام كتبته من زمان
وضحكتك بين الحروف
إسمك حبيبتي في كل لحظة أنا بنطقه
إحساس بعادك كل يوم أنا برفضه
ولا عمر قلبي في يوم هيحس
بواحده تانيه غيرك
معقول أكون موحشتكيش
من يوم بعادنا مش بعيش
رغم الفُراق مفارقتنيش
عندك خلاص واقفه الحياه
من بعد حضنك حضني مات
وكلامي يشبه للسكات
فاضلي منك ذكريات ذكريات آه
واللي فاضلي مني آه آه
اغنية موحشتكيش تامر حسني 2024
