“انا فاض بيا تعب واسيه وانت سنين بتعذب فيا لو مظلوم بصلي في عنيا وقول ان انا بتبلى عليك” طرحت الفنانة مهى فتوني أحدث أغانيها بعنوان “العين بالعين” عبر موقع الفيديوهات يوتيوب ومواقع التواصل الإجتماعي ولاقت اعجاب الكثير من الجمهور. الأغنية من كلمات عمرو المصري والحان محمود انور وتوزيع و ميكس و ماستر عمرو الخضري وإخراج ريشا سركيس.
كلمات اغنية العين بالعين – مهى فتوني
أبدأ بايه اصل انت فيك كل العبر
وكل حد وعنده طاقه وصبر يعني
جرحك بيأذي وشكته زي الابر
وانا مش هضيع عمري مع انسان واجعني
انا فاض بيا تعب واسيه
وانت سنين بتعذب فيا
لو مظلوم بصلي في عنيا
وقول ان انا بتبلى عليك
كل الشر اتشاف على ايدك
كذبك ضلك مش هيفيدك
اتمادى اكتر ربي يزيدك
واللي اذيته جاي يأذيك
يلا العين بالعين ودي آخرة
كل اللي بيظلم في حبيبه
دعوة المظلوم بتفضل
زي السهم لازم يصيبه
بكره حقي هييجي صافي
وامضي اوراق اعترافي
اني كارهك كره خيالك
مستحيل أبداً يجيبوا
انا كان همي سعادتك ترضى
وانت مشاعرك جافه وبارده
قولي بجد ولو حاجه واحده
عملتها ليا عشان ترضيني
جرحك كان بالغالي علامه
يعجز اي طبيب قدامه
قلبي سكت مش لاقي كلامه
امشي واوعى في مره تجيني
يلا العين بالعين ودي آخرة
كل اللي بيظلم في حبيبه
دعوة المظلوم بتفضل
زي السهم لازم يصيبه
بكره حقي هييجي صافي
وامضي اوراق اعترافي
اني كارهك كره خيالك
مستحيل أبداً يجيبوا
اغنية العين بالعين – مهى فتوني
