“قنبلة الجيل اللي بتلعب عاللي يشيل” ظهر الفنان الشعبي حسن شاكوش والفنان حمادة مجدى في مسلسل العتاولة وقاموا بغناء اغنية فرح شقيقة احمد السقا في المسلسل الاغنية بعنوان قنبلة الجيل وكلمات محمود هلال وألحان حسن شاكوش. وقد حققت الاغنية نجاح كبير جدا بين الجمهور حيث تخطت 50 ألف مشاهدة في خلال 3 ساعات من خلال الصفحة الرسمية لmbc masr عبر فيس بوك.
مسلسل ” العتاولة” بطولة النجوم أحمد السقا، طارق لطفى، زينة، باسم سمرة، مى كساب، أحمد كشك، هدى الاتربى، نهى عابدين، ميمى جمال، زينب العبد، منة تيسير،مصطفى ابو سريع، مريم الجندى، مؤمن نور، محمد التاجى، يسرا الجديدى، وأخرون، وهو من تأليف هشام هلال، وإخراج احمد خالد موسى.
كلمات اغنية قنبلة الجيل حسن شاكوش وحماده مجدي
يا حلو ياللي الجمال
دقدق على بابك
رد على اللي منك
ما انا برضه من احبابك
قنبلة الجيل
اللي بتلعب عاللي يشيل
شيّلت الكل على المشاريب
خدت لقطة من المشاهير
سيدة الارض
كل اللي يشوفها بيتخض
مشيتها بتتحول عرض
للي تمامها تدوس على الارض
ملكة عصرها كله بيحلم يوصلها
ياما حاولو ما بقوش ربعها
دي اللي بتسحرنا بسحرها
تحت الاضواء
دي الحلوة في كل الاجواء
هي النادي وانتوا الاعضاء
دي بتعجب من غير اغراء
انتي وبس يا نن عيني
من نظرة بتفهميني
لما احتاجك بلاقيكي
اول واحدة بتسمعيني
انتي شبهي انتي لوني
لون عيونك لون عيوني
انتي توأمي وروحي
في اي حته بتشرفيني
قنبلة الجيل
قنبلة الجيل
اختي وصاحبتي
هي وبس سبب فرحتي
اللي في وقت الحزن تيجي
بسببها بترجع ضحكتي
هي الجوهرة
في البيت عسلية مسكرة
هي اللي بقلبي منورة
انتي القمر اللي بحبها
احلى الحلوين
انتي وبس يا نور العين
احلى عروسة والناس شايفين
عِشرة عمري سنين وسنين
اختي الجدعنة
اللي مافيش منها وربنا
هي رقم واحد عندنا
هي اللي مفرحه قلبنا
انتي وبس يا نن عيني
من نظرة بتفهميني
لما احتاجك بلاقيكي
اول واحدة بتسمعيني
انتي شبهي انتي لوني
لون عيونك لون عيوني
انتي توأمي وروحي
في اي حته بتشرفيني
قنبلة الجيل
اللي بتلعب عاللي يشيل
شيّلت الكل على المشاريب
خدت لقطة من المشاهير
قنبلة الجيل
اغنية قنبلة الجيل حسن شاكوش وحماده مجدي من مسلسل العتاولة
